Zer da Kanabisa?

“Cannabis sativa” landarearen erretxin, hosto eta loreetatik mundu osoan gehien erabiltzen diren substantzia psikoaktiboak lantzen dira: haxixa eta marihuana.

Bere ondorio psikoaktiboen erantzulea den kanabisaren printzipio aktiboa THC da (tetrahidorkanabinola), substantzia kontrolatuen zerrendan sartua.

Bere kontzentrazioa aldatu egiten da prestakinen eta produktuen jatorriaren arabera.

Itxura

- Haxixa: Landarearen hostoak arraspatzen dira eta landarea lehortu ondoren lortzen den hautsa erantsiz lortzen da erretxina edo haxixa. Xafla zanpatu moduan ageri da, kolore berde, marroi edo horia duten barratxoak dira; kolorea produkzio eskualdearen arabera aldatzen da.

Tabakoarekin nahasiz erre ohi da: “porro” izenarekin ezagutzen da.

Haxixa gutxi edo asko toxikoak diren beste substantzea batzuekin nahasten da, besteak beste, henna, parafina eta betuna.

- Marihuana: Hostoak, zurtoinak eta loreak, behin lehortu ondoren. Tabakoarekin nahasiz erre ohi da, forma konikoa duen zigarro baten antzera ( porroa, peta, kanutoa,… ) deitu ohi zaio, haxixaren antzera.

- Olioa: Printzipio aktiboaren kontzentrazio handiagoa duen prestakina. Pipan kontsumitzen da gehienetan. Gaur egun, ez da gehiegi erabiltzen.

ONDORIO ETA ARRISKUAK

Kanabisaren kontsumoaren ondorioak aldakorrak dira: euforia arina, gehi lasaitasuna eta barre egiteko bat-bateko gogoa, eta logura arina.

Dosi handiek lan koplexuak egiteko gaitasuna zailtzen dute, denboraren eta ikusmenaren pertzepzioa eta bat-bateko oroimena nahasten dute, eta lozorroa sortzen dute.

Kanabisaren kontsumoaren ondorio fisiko nagusiak, pertsonaren, kontsumitutako kantitatearen eta produktuaren konposizioaren arabera, ondorengoak dira:

- Erritmo kardiakoa handitzen da (taupadak).

- Listu jarioa gutxitzen da (aho lehorra)

- Odol hodiak dilatatzen dira (begi gorrixkak)

- Zenbaitetan, nazka sentitzen da.

Kontsumitzaileak, oro har, konturatzen ez badira ere, bilatzen ez diren ondorioak eragin litzakete, erabilera problematikoa agerian jartzen dutenak:

- Kontzentratzeko zailtasunak, gorabeherak eskolan…

- Mendetasun psikikoa, batzuetan kontsumo erregular eta sarri baten ondoren agerian jartzen dena.

- Arrisku sozialak erabiltzailarentzat eta bere ingurunearentzat, substantzia lortzeko legez kanpoko zirkuituekin dituzten kantaktuen ondorioz.

- Pertsona ahulenen kasuan, kanabisak haluzinazioak eta beren buruen pertzepzioaren eta kontzientziaren aldaketak eragin litzake: nortasuna bikoiztea, jazarpen sentipena, eta abar.

(Iturria: Drogak. + jakin – arriskatu. Gazte europarren gida)

ARGI IZATEKO KONTUAK

LEGEA ETA DROGAK

Drogarekin zerikusia baldin baduzu, badaiteke lege-hauste mota bi egitea:

LEGE-HAUSTE PENALA. Delitu edo huts-egitea da, Kode Penalak zigortua. Berez ekar dezake, zigor gisa, kartzelaldia edo, adingabea izanez gero, epailearen agindua bete beharra.

LEGE-HAUSTE ADMINISTRATIBOA. Administrazioaren arauek hainbat egintza zigortzen dute; sekula ez dakarte kartzelaldirik, bai ordea isunak: diruzkoak, agiriren bat edo lanpostua kentzea, etab.

A.- LEGE-HAUSTE ADMINISTRATIBOA.

Honako guztiak dira lege-hauste administratiboak: drogak herribidean (kalean, plazan edo parkean) kontsumitzea; droga soinean eramatea, nahiz eta zuk bakarrik kontsumitzeko izan; kalean droga hartzeko tresnak uztea. Horiek guztiak, esan bezala, lege-hauste administratibo larriak izanik, zigor moduan eduki dezakete 300-3000 euro bitarteko isuna, gidabaimena sei hilabetez kentzea edo errehabilitazioa egin behar izatea. Hala diote Hiri Segurtasunari buruzko otsailaren 21eko 1/1992 Lege Organikoaren 25. eta 28. artikuluek.

Droga jendaurrean kontsumitzeak ez dakar berez, zigor moduan, kartzelaldia; bai, ordea, isun ederra.

HAINBAT GAUZA GOGOAN HARTZEKO:

• Porruak kalean erretzea lege-hauste administratiboa da.
• Nork bere erabakien ondorioen ardura hartu behar du bere gain, harrapatzen dutenean ere bai. Harrapatzen bazaituzte, bada, eman zuk zeuk aurpegia eta ordaindu zuk zeuk, eta ez gurasoek, isuna.
• Hala gertatuz gero, errekurtsoak jartzea badaukazu; iradoki diezaiokezu isuna ezarri dizun erakundeari neurri ordezkoa proposa dezala eta zigorraren ordez bete.
• Kalean peta bat erretzen baduzu, jendeak erraz suposatuko du beste zerbait gehiago daramazula soinean eta erraz emango dizu aipu txarra.
• Eta behin aipu txarra zeureganatuta, erraz zintzilikatuko dizute lepotik besteen errua.
• Baten batzuek txarto pasatzen dute gainontzekoak zerbait hartzen ikustean. Zertarako ikusi behar zaituzte, bada?

B.- LEGE-HAUSTE PENALA (DELITUA)

Legez kontrako drogak landatu, prestatu, saldu, oparitu eta kontsumitzen ematea delitua da (Kode Penalaren 368. artikulua). Beraz, 18 urtetik gorakoa bazara eta aurrekoetakoren bat egin baduzu, jakin ezazu isuna ezar diezazuketela (isunaren zenbatekoa: soinean daramazunaren balioa bider hiru) eta 3-9 urte bitarteko kartzelaldia, edo hainbat lanbidetan jardun ezina.

Eta 18 urtetik beherakoa bazara?

Orduan ez zinateke kartzelara joango, baina epaileak erabaki lezake tratamenduren bat egin zenezala edo adingabeen zentro batean sartzea.

Nola jakin soinean daramazun droga zeure kontsumorako edo trafikatzeko dela uste izango ote duten?

Droga kopuruaz ari bagara, oro har jotzen da norberaren kontsumorako dela 3-5 egunetan har daitekeena. Hortik gora, trafikorako dela uste izango dute. Hiru, lau edo bost egun kontuan hartzea kasuaren eta epaimahaiaren araberakoa izaten da. Hasiera batean, medikuaren txostenaren bidez, auzitegiak aztertuko du zein izango den kontsumitzaile bakoitzaren menpekotasun-maila. Hau kontuan hartu eta gero, pertsona horrek 3-5 egunetan behar duen kopurua kalkulatuko da. Beste epai batzuetan agertzen diren zenbatekoak ere hartuko ditu kontuan.

Hona hemen, orientazio moduan, gehienezko kopuruak drogazale baten autokontsumorako:

• Heroina. Gehienezko zenbateko osoa 3 gramokoa da.
• Kokaina. Gehienezko eguneko zenbatekoa 1,5 gramokoa da.
• Estasia. Gehienezko eguneko zenbatekoa 3 pilulekoa da.
• Haxixa. Gehienezko eguneko zenbatekoa 5 gramokoa da. Kasu honetan, epaileak malguagoak izan ohi dira eta askotan autokontsumorako gehienezko zenbateko osoa 50 gramotan ezartzen dute.
• LSD. Eskuarki, 5 tripi edukitzea droga-trafikotzat hartzen da. Beraz, 5 tripi baino gutxiago eramatea da gomendagarriena.

Kopuru horiek orientatzekoak besterik ez dira eta azaldutako kopuruak baino gutxiagorekin ere arazoak izan zenitzake. Arazoak saihesteko, gomendatzen dizugu soinean egunean kontsumituko duzuna besterik ez eramatea. Eta gogoratu droga trafikoaren aztarna txikienaren aurrean, hau da, 5 euroko haxix, pilula edo dosi batekin, arazoak izan ditzakezula.

(Iturria: www.kolokon.com)

Kaixo guztioi:

Negua bukatze aldera, beste jardunaldi bat dugu parez pare. Oraingo honetan bai benjamin mailako kirolariek eta bai alebin mailakoek ere, talde kirolak izango dituzte. Herriko bi ikastetxeen arteko derbiak baditugu asteburu honetarako eta baita ikastetxe bereko taldeen arteko derbiak ere. Beraz, animo, ondo entrenatu eta prest astebururako. Hauxe da jardunaldia:

• BENJAMIN MUTILAK 1 TALDEAK   SASKIBALOIA ERRENTERIAKO GAMON IKASTETXEAN

*Gamon B  -  Elizalde A 9:00 tan

• BENJAMIN MUTILAK 2 TALDEAK   ESKUBALOIA LEZOKO BEKOERROTA KIROLDEGIAN

*Haurtzaro A  -  Elizalde B 9:00 tan

*Koldo Mitxelena B  -  Haurtzaro B 9:45 tan

*Haurtzaro C –  Karmengo Ama B                   11:15 tan

• BENJAMIN MUTILAK 3 TALDEAK   FUTBOLA BERAUNGO MIKEL ODRIOZOLA ESTADIUMEAN

*Elizalde C -  Koldo Mitxelena D                         9:00 tan

*Koldo Mitxelena C  - Elizalde D 10:00 tan

• BENJAMIN NESKAK 1 TALDEAK    SASKIBALOIA LEZOKO BEKOERROTA KIROLDEGIAN

*Haurtzaro –  Orereta A                                          9:45 tan

*Telleri A  -  Elizalde 10:30 tan

• ALEBIN MUTILAK 1 TALDEAK   ESKUBALOIA ERRENTERIAKO GALTZARABORDA KIROLDEGIAN

*Telleri A  -  Elizalde A 9:30 tan

• ALEBIN MUTILAK 2 TALDEAK   FUTBOLA ERRENTERIAKO FANDERIA FUTBOL ZELAIAN

*Haurtzaro B  -  Haurtzaro A 9:00 tan

*Haurtzaro C Atsedena

• ALEBIN MUTILAK 3 TALDEAK   SASKIBALOIA OIARTZUNGO ELORSORO KIROLDEGIAN

*Elizalde B –  Gurutzeko Alabak B                          11:15 tan

• ALEBIN NESKAK 3 TALDEAK   SASKIBALOIA LEZOKO BEKOERROTA KIROLDEGIAN

*Lizeoa C  -  Haurtzaro A 11:15 tan

*Elizalde B -  Langaitz B                                           11:15 tan

*Haurtzaro B  -  Elizalde A 12:00tan

Aski prexko! udal aldizkariaren 4. alea!

Aski prexko 4

Zer da SEXUA?

Sexu kontzeptuaz mintzatzean, emakume edo gizon izateaz mintzo gara, sexuen arteko ezberdintasun fisiko, psikologiko eta sozialetaz hain zuzen. Emakume eta gizon egitea bizitza osoko prozesu bat da; jaio aurretik hasi eta hil arte irauten duena. Prozesu honi “sexuazioa” deritzo. Maila ezberdinetan ematen da sexuazio prozesu hau; lehenengo kromosometan, gero barne genitaletan, ondoren kanpo genitaletan, hormonetan, neuronetan, hezkuntzan, nerabezaroan…. Garapen ezberdin hauei esker pertsona sexuatuz joango da; hots, emakume edo gizonezko bilakatuz. Haur bat jaiotzean, sexuatua jaiotzen da: Bere genitalez gain, neuronak ere sexuatuak izango ditu, alua izateaz gain, hormonei esker sistema nerbiosoan ere garatuko baitzaio.

Zer da SEXUALITATEA?

Jada badakigu, sexualitatea ez dela “daukagun edo “egiten dugun” zerbait. Sexualitatea sexuatuak izatearen prozesua bizi eta sentitzen dugunari deritzaio: gizon edo emakume izate prozesua bizi eta sentitzeko moduari. Emakume edo gizon izatearen bizipenak pertsonak bestekoak direnez eta pertsona bakoitzaren bizipenak beti berdinak ez direnez, sexualitatearen ordez SEXUALITATEAK daudela esan daiteke. Sexualitateen barnean, homosexual edo heterosexual gisa bizitzeko erak sartzem dira.

Gizon emakume bakarrak eta errepikaezinak gara. Garrantzitsuena , norberarentzako sexualitate egoki bat izatea eta garenaren modukoak onartuz, gustora bizitzea da.

DROGEN ETA SEXUALITATEEN inguruko aholkularitza zerbitzua

Ostiralero 17.30etatik 19.30etara Gazte Informazio Bulegoan

Kaixo denoi:

Otsaila behar bezala agurtzeko beste jardunaldi batekin dator eskola kiroleko egitasmoa. Oraingo honetan, benjamin eta alebinek jarduera ezberdinak izango dituzte. Alebinek talde kirolekin jarraituko duten bitartean, benjaminek bakarkako kirol bat probatzeko aukera izango dute, Oiartzunen aski ezaguna eta jokatua dena, baina bailara mailan hainbesteko arrakastarik ez duena; pilotaz ari gara. Gune ezberdinetan antolatuko da frontoia eta eskuz eta palaz probatzeko aukera izango dute haurrek, baita zestarekin zerikusia duen jolas bat egiteko aukera ere. Besterik gabe, gogotsu joango zaretelakoan, hauek dira jardunaldiaren nondik- norakoak:

• BENJAMIN GUZTIAK PILOTA LEZOKO  BEKOERROTA KIROLDEGIKO FRONTOIAN

*Lezo, Karmengo Ama eta Haurtzaro 9:30 tan

*Pasaia Lezo Lizeoa, Elizalde eta Gurutzeko Alabak                 10:30 tan

• ALEBIN MUTILAK 1 TALDEAK   SASKIBALOIA OIARTZUNGO ELORSORO KIROLDEGIAN

*Elizalde A –  Orereta B                                                                     11:15 etan

• ALEBIN MUTILAK 2 TALDEAK   ESKUBALOIA ERRENTERIAKO GALTZARABORDA KIROLDEGIAN

*Haurtzaro A –  Gurutzeko Alabak A                                              9:30 tan

*Haurtzaro C -  Telleri D                                                                   9:30 tan

*Lezo B  -  Haurtzaro B 10:30 tan

• ALEBIN MUTILAK 3 TALDEAK   FUTBOLA ERRENTERIAKO FANDERIA FUTBOL ZELAIAN

*Lezo C  -  Elizalde B 9:00 tan

• ALEBIN NESKAK 3 TALDEAK   FUTBOLA OIARTZUNGO UGALDETXO FUTBOL ZELAIAN

*Haurtzaro B  -  Elizalde B 9:00 tan

*Haurtzaro A -  Langaitz B                                                               9:00 tan

*Elizalde A  - Lizeoa C                                                                      10:00 tan

‘Ate joka’ antzezlana ikusteko aukera datorren igandean, hilak 28, udaletxeko areto nagusian, 18:00etan.

Aretoak gaitasun mugatua du, betetzen denean ateak itxiko dira.

ATE JOKA

Jack Lemmon eta Walter Matthau protagonista dituen filmari esker da ezaguna istorioa. Bi lagunen gorabeherak azaltzen ditu, dibortziatuak biak. Elkarrekin bizitzea erabakiko dute, poker partidak lotzen ditu bi lagunak; izan ere, beren bizi moduek ez dute elkarren artean inolako tankerarik. Oscar desastre hutsa da, eta hautsaren akaroak etxeko animalia preziatutzat ditu. Felix, ordea, sekulako ordenatua eta txukuna da. Elkarbizitzan egoera mamitsuak eta ineresgarriak sortuko dira publikaren gozamenerako. Izan ere, senar-emazteen artean ohikoak diren eszenak bi dibortziatu horien arteko elkarbizitzaren parte dira; azken buruan, galdutako emaztearen irudia bilatzen baitu batak bestearengan.

Otsailean urteak betetzen dituzten Abaraxka Ludotekako bazkideen zorion ospakizunak ostiralean, Otsailak 19, egin zituzten.

Begira ze trebeak diren sukalde kontuetan!

Erne ibili Arguiñano konpetentzia fuerte dator!

Martxoan urtebetetzea duena, dagoeneko irrikitan izango da ospatzeko eguna noiz iritxiko!

Drogen eta Sexualitateen aholkularitza zerbitzutik zurekin partekatzeko interesgarriak iruditzen zaizkigun gaiak lantzen joan nahiko genuke. Hori dela eta, ostiralero 17.30-19.30 etara Gazte Informazio Bulegoan aurkituko gaituzu eta blogean ere denon interesekoak diren artikuluak jartzen joango gara.

Gauza guztiekin bezala oinarritik hastea onena denez…

Oinarrizko hainbat kontzeptu

Zer dira DROGAK?

- Substantzia naturalak edo artifizialak dira, eta gure gorputzean hainbat modutan sartuz gero, nerbio sisteman aldaketa fisikoak eta/edo psikikoak sortzen dituzte, baita errealitatea hautemateko moduan ere.

- Oso ezberdinak dira drogak kontsumitzeko moduak: edan, irentsi, esnifatu, erre, txertatu,… daitezke.

Droga KONTSUMITZAILE motak

- Noizbehinkakoa: hitzak berak esaten duen bezala, noizean behin kontsumitzen duen pertsona.

- Ohikoa: ia egunero edo egunero kontsumitzen duen pertsona.

- Neurriz gainekoa: modu desegokian kontsumitzen duen pertsona, bere osasuna kaltetuaz edo menpekotasuna eraginez.

TOLERANTZIA

- Ohiko edota neurriz gaineko kontsumitzaile batek kontsumora ohitzen deneko prozesua; une batean dosia gehitu behar du aurreko ondorio berdinak lortzeko.

MENPEKOTASUNA

- Droga kontsumo desegokia izan ostean, drogen kontsumoa ez kontrolatzea iristen den pertsonaren egoera. Kontsumitzaileari uzten zaionean urduritasuna, antsietatea edo herstura, depresioa,… sortzen dira. Hau abstinentzia sindromea izeneko fenomenoa izango litzateke.

- Psikikoa, fisikoa edota funtzionala izan daiteke droga batekiko menpekotasuna.

DROGEK ZEIN ERAGIN SORTZEN DITUZTE?

Orokorrean, drogek hiru ondorio edo efektu ezberdin sortzen dituzte gure gorputzean:

- Estimulatzaileek, hitzak esaten duen bezala, gorputza azeleratu edo bizkortzen dute.

- Deprimitzaileek gorputzaren funtzionamendua mantsotzen dute.

- Haluzinogenoek eta droga psikodelikoek kanpo mundua hautemateko moduan eragiten dute.

Baina droga guztiak ez dira kategoria zehatzetan sailkatzen. Marihuanak adibidez hainbat efektu eragiten ditu: erlaxazioa, lasaitasuna eta berriak diren zenbait motek ere  haluzinazioak. Zenbait droga, MDMA (estasia) esate baterako, estimulatzaile edo bizigarri eta haluzinogeno puruen artean kokatzen dira. Ez da harritzekoa, estasi familiako droga guztiak estimulatzaileak eta psikodelikoak dira, batzuk haluzinogenoagoak dira estimulatzaileak baino, beste batzuk berriz alderantziz.

ZER GERTA LITEKE?

Ondorio estimulatzaileak dituzten droga gehienak hasiera batetan euforia eragiten dute; orokorrean hau izaten da lehen sentsazioa. Ohikoena tabakoarena izaten da, eguneko lehen zigarroa erretzen hastean zorabio antzeko bat sortzen duelarik edo alkoholaren lehen efektua, lehen zurrutada eman eta handik 20 minututara ematen dena. Hasierako efektu edo ondorio honek energiaren bat-bateko eztanda bat eragiten du: zure barnean dena bizkortzen hasten dela sentitzen duzu eta bertigoa edo zorabio sentsazioa daukazu. Estasiaren eta anfetaminen euforiak aktibitate handia eragin dezake: etengabe lanean aritzeko gaitasuna, gelditu gabe dantzan aritzeko gogoa,…. MDMA-ak (estasia droga honetatik eratortzen da) kontsumitzaileengan toki fresko batetan eserita jarri eta arnasa sakonki hartzeko gogoa sortzen du.

Droga depresoreak edo deprimitzaileak nerbio sistema zentrala mantsotzen dute; honek erlaxazioa, ongizate sentsazioa eta lotsaren galtzea eragin dezake.

Droga haluzinogenoek ondorioak sortzeko ordubete inguru behar izaten dute, mundua hautemateko modua aldatzen dutelarik. Aldaketa hauek atseginak edo desatseginak izan daitezke, kontrolatzen ez ditugun faktoreen menpe daudelarik.

(Iturria: Drogak larru gorrian. Askagintza)

Kaixo guztioi:

Ihauteriak atzean utzita, badator beste kirol jardunaldi bat. Oraingo honetan bai benjaminek eta bai alebinek, talde kirolak izango dituzte, eta astean zehar entrenamendutan landutakoa plazaratzeko aukera ezin hobea izango dugu. Besterik gabe, hauek dira asteburu honetarako programatutako partidak:

• BENJAMIN MUTILAK 1 TALDEAK   SASKIBALOIA ERRENTERIAKO GAMON IKASTETXEAN

*Gamon A  -  Elizalde A 12:00 tan

• BENJAMIN MUTILAK 2 TALDEAK   ESKUBALOIA LEZOKO BEKOERROTA KIROLDEGIAN

*Karmengo Ama A  -  Elizalde B 9:00 tan

*Haurtzaro A -  Orereta C                                                  10:30 tan

*Koldo Mitxelena A  -  Haurtzaro B 11:15 tan

*Haurtzaro C -  Koldo Mitxelena B                                12:00 tan

• BENJAMIN MUTILAK 3 TALDEAK   FUTBOLA ERRENTERIAKO MIKEL ODRIOZOLA ESTADIUMEAN

*Elizalde C -  Beraun Berri                                                  9;00 tan

*Gurutzeko Alabak  -  Elizalde D 10:00 tan

• ALEBIN MUTILAK 1 TALDEAK   SASKIBALOIA OIARTZUNGO ELORSORO KIROLDEGIAN

*Elizalde A  – Gamon B                                                         11:15 tan

• ALEBIN MUTILAK 2 TALDEAK   ESKUBALOIA ERRENTERIAKO GALTZARABORDA KIROLDEGIAN

*Lezo B  -  Haurtzaro A 9:30 tan

*Haurtzaro C -  Orereta F                                                      9:30 tan

*Telleri C  -  Haurtzaro B 10:30 tan

• ALEBIN MUTILAK 3 TALDEAK   FUTBOLA ERRENTERIAKO FANDERIA FUTBOL ZELAIAN

*Elizalde B -  Langaitz                                                              9:00 tan

• ALEBIN NESKAK 3 TALDEAK   FUTBOLA OIARTZUNGO UGALDETXO FUTBOL ZELAIAN

*Lizeoa C  -  Haurtzaro B 10:30 tan

*Elizalde B  -  Haurtzaro A 10:30 tan

*Langaitz B  -  Elizalde A 11:30 tan

Atzo arratsaldean Doneztebe Plazan erle kuadrilla bat agertu zen.

Hotzarekin izutu ez eta plaza erdian abaraxka haundi bat sortu zuten beraien gustura!

Gure artean pozik ziruditen. Aurpegi hauek ez dute gezurrik esaten!!!

Hurrengoan eztia utziko ote digute???

Oarsoaldeko Euskara Batzordeak gazteei zuzenduriko SMS lehiaketaren 4. edizioa jarri du abian.

Parte-hartzaileek honi loturiko mezu bat idatzi beharko dute: Maialen Lujanbio bertsolari txapelduna da. Zer iradokitzen dizu horrek? Esaiozu zerbait (gehienez 30 karaktere edo joaldi).

Parte-hartzaileek nahi adina esaldi bidali ahal izango dituzte SMS edo posta elektroniko bidez otsailaren 12tik martxoaren 12ra: ELH (proposatutako esaldia) 27070 edo euskarazlh@oarsoaldea.net (deiaren prezioa 1,39€).

Eskualdeko DBH-4ko ikasleek aukeratuko dute SMS / esaldi irabazlea eta sarituak 300 €ko erosketa txartela jasoko du aukeratzen d(it)uen Oarsoaldeko dendetan gastatzeko.

Martxoaren 26an jakinaraziko dute esaldi/SMS irabazlea zein izan den.

Animatu!!!

Oinarriak

Datorren Martxoaren 15 eta 16an Gazteriaren Euskal Legea eta EAEren III. Gazte Plana lantzeko parte hartze prozeseko jardunaldiak izango dira.

Gazteriaren Euskal Legeak, gazteek herritan gisa dituzten eskubideak babestea eta gazteek eskubide horiek baliatzeko erraztasunak ematea; gazteek gizartearen garapen politiko, sozial, ekonomiko, iraunkor eta kulturalean parte hartzea sustatzea; eta gazteen emantzipazioa eta gizarteratzea posible egingo duten baldintzak sortaraztea, du xedetzat.

Horrekin batera eta modu paraleloan, Euskadiko instituzio guztietan gazte-politika integrala garatzeko asmoz, III. Gazte Plana landuko dute. Planak Euskadiko gazteen egoeran eta etorkizuneko aurreikuspenetan eragitea izango du helburu, eta horretarako neurriak eta jarduketak jasoko ditu.

Jardunaldietarako parte hartzea, gazteria arloko pertsonal tekniko, gazte informazio zerbitzuetan aritzen diten profesionalei eta gazteriaren arloan diharduten entitat pribatuetako profesionalei zuzendua doa baina zure interesekoa bada, Gazteriaren Euskal Legearen aurreproiektu zirriborroa eta III. Gazte Planaren helburu estrategiakoak hemen aurkitu ditzazkezu.

Legearen inguruan proposamen edo ekarpenik egin nahiko bazune hemen aurkituko duzu informazio gehiago.

Informazio gehiago

Aski Prexko udal aldizkariaren hirugarren zenbakia kalean da.

Oiartzungo Udalak herritarrak informatzeko atera berri duen tresna da aldizkaria: hamabostean behin argitaratzen da eta udal informazioaz gain, oiartzuarrei egindako elkarrizketak eta ekimenen berri eskaintzen du.

Aski prexko

zer egin ohi duzu?

A.-  Ezer ez, zalantzarekin geratzen naiz

B.-  Galdetu, informatu, kontsultatu,…

C.-  Lagunekin hitzegiten dut

Bigarren aukera bada zurea, baliogarri izango zaizu!

Drogen edo sexualitateen inguruko zure zalantzak argituko dizkizuten informazio puntua daukazu OSTIRALERO 17.30etatik 19.30etara Gazte Informazio Bulegoan.

Lelo honekin jarri du UEMAK abian abizenak euskalduntzearen kanpaina.

Michelena, Aguirre, Aramburu, Lecuona, Echeverria,… Zure abizena horietako bat da? Noizbai pentsatu duzu euskalduntzea gustatuko litzaizukeela?

Orain duzu aukera. Egin beharrekoa ondoren:

1) Erregistro Zibilera edo Bake Epaitegira joan eta esan abizena euskal grafiaz jarri nahi duzula.

2) Han emango dizuten eskera orria zure datuekin bete.

3) Agiri hauek eraman:

- Nortasun agiriaren fotokopia. Adinez nagusia ez bazara, gurasoena ere beharko duzu.

- Jaiotza ziurtagiria.

- Errolda agiria.

- Ezkonduta bazaude edo seme-alabarik baduzu, familia liburua.

- 16 urtetik gorako seme-alabarik baduzu, haien nortasun agiriaren fotokopia.