Argazkiez blai! lehiaketako sari banaketa

Bukatu da Oiartzungo I. argazki lehiaketa. Atzo arratsaldean argazki saridunak zein izan diren argitaratu zen.

Argazkilaritza eta teknologi berriekin jarrera aktiboago bat sustatzeko helburuarekin martxan jarri zen lehiaketak, erantzun oso ona izan duela esan dezakegu. Guztira 188 argazki igo dituzte erregistratutako 70 erabiltzailek web gunera, hiru kategoriak kontutan hartuta.

Sari banaketara gerturatutako pertsonek liburutegiko aretoa bete zuten.

Sarirenbat irabazi duten argazkiekin eta epai mahaikideak aukeratutako beste batzuekin erakusketa egongo da ikusgai Manuel Lekuona bibliotekako beheko solairuan hilabete amaierararte.

Mila esker parte hartzaile guztiei eta zorionak irabazleei!