Adoleszentzia: Sexu grinaren ernatzea

Adoleszentzia aldaketa eta transformazio handien garaia izaten da: haurren gorputza heldutasunera hurbiltzen hasten da, haren burua ideia eta pentsamendu berriz betetzen, gustu eta interes berriak agertzen dira.

Familiagandikako loturak askatu nahiaren, inkonformismoaren eta mundua aldatu nahi duten teorien aroa izaten da, momentu honetan sortzen dira adiskidetasun handiak eta lehen amodioak, beti beren arrastoa uzten dutenak.

Adoleszentzia pubertaroarekin hasten da. Pubertaroan aldaketa handiak gertatzen dira gorputzean (11-16 urte bitartean, kasuan kasu), hazi egiten gara, aurpegi edo bizkarrean pikorrak atera daitezke, besazpi eta sabelpeko bizarrak ateratzen dira, nesken bularrak hazi egiten dira, mutikoei ahotsa aldatu eta bibotea jaoitzen zaie. Bi kasuetan, aparatu genitalak garatu egiten dira. Neskek beren hilekoa ezagutzen dute eta mutikoek beren lehenbiziko hazi isurtzeak.

Adoleszenteak aldaketa hauek erabat nahasirik bizi ditu, haren gorputzean bat-batean gertatzen baitira. Ez ditu bere mugimenduak kontrolatzen eta ez du bere gorputz irudia onartzen, batez ere kanon sozialek ezarritakoarekin bat ez badator.

Sexu orientazioa:

Sexu irrikak orientazio bat baino gehiago izan ditzake, hau da, nahi hori asetzeko modu desberdinak:

- Homosexualitatea: Pertsonak sexu bereko beste pertsona batenganako nahia sentitzen du eta horrekiko harremanen bidez lortzen du sexu plazerra.

- Heterosexualitatea: Pertsonak beste sexuko beste pertsona batenganako nahia sentitzen du eta horrekiko harremanen bidez lortzen du sexu plazerra.

- Bisexualitatea: Pertsonak beste sexuko zein bere sexuko beste pertsona batenganako nahia sentitzen du eta horiekiko harremanen bidez lortzen du sexu plazerra.

Orientazio desberdin horiek ez dute eramaten pertsona nahitaez estilo horretako sexu harremanetara.

Kontuan hartzekoa da bakoitzaren nahia eta preferentzia. Den denak desberdinak gara eta horregatik gustu eta nahi desberdinak ditugu. Bakoitzak bere nahiak adierazteko gauza izan behar du, eta gainerakoak errespetatu.

Erlazionatutako bidalketak: