Laburrean esanda…

- Orientazio erakusketa eta hitzaldia

Bihar, Ekainak 4 ostirala, Manuel Lekuona liburutegian, Bologniako plan berriaren inguruko hitzaldia Mondragon unibertsitateko Enpresagintza Fakultatetko Mikel Mesonero-rekin.

Datorren ikasturtetik martxan jarriko den ikasketa planaren inguruko zalantzak badituzu etorri!

- UEUko ikasle oiartzuarrei bekak emango dizkiete Udalak

Aurten ere Udako Euskal Unibertsitateak (UEU) antolatutako Udako Ikastaroetan parte hartzen duten ikasle eta langabetu oiartzuarrei beka emango die Udalak, Euskara Sailaren bidez. Matrikularen eta egoitza-gastuen %50a ordainduko die Udalak.

Hilaren 20a arte irekita dago UEUko ikastaroetan izen-ematea. Eibarren, Baiona, Lekeition eta Iruñean 38 ikastaro eskaini dituzte aurten. Hauetako edozeinetan parte hartzen duen oiartzuarrek jasoko dute laguntza, Udalak jarritako baldintzak betez gero.

Laguntzako jasotzeko, irailaren 10a arte izango dute agiriak aurkezteko epea ikasle eta langabetu oiartzuarrek. Eskaera orriarekin batera, matrikularen ordainagiriaren kopia, UEUk emandako parte-hartze ziurtagiriaren kopia eta 2009/2010 ikasturtean ikasle edo langabetu izan dela frogatzen duen ziurtagiria aurkeztu beharko dute.

Erlazionatutako bidalketak: