ABARAXKA OIARTZUNGO UDAL LUDOTEKA

Haurren balio anitzeko zerbitzua

Xanistebanetako pilota txapelketarako izena emateko epea irekita dago alebin eta benjaminentzat

Xanistebanetako pilota txapelketan izena emateko epa irekita dute Benjamin eta Alebin Mailetako pilotariek. Hilaren 16a arte (datorren asteazkena) izango dute aukera Udalak eta Eskola Kirolak antolatutako txapelketan parte hartzeko izena emateko.

Iaz bezala, Benjamin Mailako pilotariek (LH 3. eta 4. mailetako ikasleek), xanistebanetako txapelketa bi modalitatetan jokatu ahal izango dute: eskuz edo palaz. Bietariko bat aukeratu beharko dute, eta modalitate bakarrean jokatu.

Alebin Mailako pilotariek, berriz, (LH 5. eta 6. mailetako ikasleak), eurek entrenatzen duten modalitatean jokatuko dute: palan binaka eta eskuz, banaka edo binaka.

Txapelketa Kontzejupean jokatuko da eta finalak xanistebanetan izango dira. Martxoaren 25ean hasi eta ekaina bukaera arte, asteburutan jokatuko dira partidak.

Pilotan entrenatu ez, baina txapelketan parte hartu nahi dutenek era badute aukera. Horretarako, udaletxean Eskola Kirolako koordinatzailearekin harremanetan jarri behar dute.