You need to set up the menu from Wordpress admin.
Browsing articles from "Otsaila, 2006"
Gazteria eta Kirola Saila
ots 28, 2006
gazteoiartzun.net
No Comments

Gazteria eta Kirola Sailaren aurkezpena

Oiartzungo Udalaren Gazteria eta Kirola Saila     Hasteko, aurkezpenak ezinbestekoak dira.

     Jokin Sukuntza nauzue, aurrerantzean Oiartzungo udalaren Gazteria eta Kirola Sailan lanean arituko dena eta gazteria nahiz kirola inguruko gaiak jorratuko dituena.

     Sortu berri den sailetik, gazteria inguruko plan bat garatzea dugu helburu, non bertan Oiartzungo gazte guztiak kontutan hartuko diren. Gure lehen urratsak, herriko gazteriaren diagnosi bat egitea eta herriko sare berezi bat osatzea izango dira eta dagoeneko horretan dihardugu.

     Horretarako Gipuzkoako Foru Aldundiko Haurren, Gazteen eta Garapenerako Lankidetzaren Zerbitzuarekin elkarlanean helburu, estrategiak eta lan hildoak gorpuztuko ditugun plan bat eratzen ari gara. Plan honek oinarriak ezarriko ditu, landu behar den bidea erakutsiz eta pausuak zehaztuz.

     Bien bitartean, blog hau sare horren islada digitalaren lehen urratsa eta elkar ezagutzeko komunikazio bide bat dugu. Gorogatu leloa ;):

Oiartzuar gazte guztiona, guztiontzat!!

     Aurrerantzean Udaletxeko ganbaran izango nauzue, 943 490142 telefonoan edota gazteria(arroba)gmail(puntu)com posta elektronikoan

Udala
ots 24, 2006
gazteoiartzun.net
No Comments

Martxoaren 4an, larunbata ‘Zuhaitz Eguna’

Zuhaitz Eguna Oiartzunen     Oiartzungo udalak, urtero bezala, 2006 urtean ere ZUHAITZ EGUNA antolatzen ari da, baina aurten, KILOMETROAK Oiartzunen ospatu behar direnez, Haurtzaro Ikastolak eskatu dio, bai Udalari, baia Foru Aldundiari ere Gipuzkoako Zuhaitz Eguna Oiartzunen ospatzeko eta horrela erabaki dute bi erakundeek. Horrela Gipuzkoako Zuhaitz Eguna Oiartzunen ospatuko da, denei irekia eta ondorengo egitarauarekin:

Eguna: 2006ko martxoaren 4an, larunbata
Irteera: Done Eztebe plazatik goizeko 9’30etan

Partaideel ibilalditxo gidatu bat eginaz zuhaitz landaketa egingo den lekura joango dira.
Haur txiki eta ezinduentzat autobus zerbitzua jarriko da

Landaketa ordua: goizeko 11ak ingurutik aurrera.
Landaketa lekua: Iturriotz auzoko Sastarre baserri inguruan, Ozentziotik Karrika aldera doan bide inguruan
Landaketa bukatutakoan denontzako hamaiketakotxo bat eskainiko da.

Landatuko diren zuhaitzak hauek izango dira:

Astigarra (Acer campestre) ……………………..40 zuhaitz
Elorri zuria (Crataegus monogyna)……………..50 zuhaitz
Gereziondoa (Prunus avium)…………………… 50 zuhaitz
Makatza, Udareondo basatia (Pyrus cordata)…50 zuhaitz
Hostazuria (Sorbus aria)…………………………..22 zuhaitz
Otsalizarra (Sorbus aucuparia)…………………..60 zuhaitz
Basagurbea (Sorbus torminalis)………………….45 zuhaitz
Haritza (Quercus robur)…………………………..200 zuhaitz
Lizarra (Fraxinus excelsior)…………………………50 zuhaitz

Denetara 567 zuhaitz

Landaketa honetatik sortuko den basoa euskarari eskainia izango da eta EUSKARAREN BASOA deitua izango da.

OHARRAK:

  • Ahal duenak aitzurra ekartzea komeni da, nahiz eta Udalak dituenak jarri
  • Autoz joan behar duenak Sorondon aparkatu beharko du eta oinez joan, Ozentzio baino aurrerago

ANIMA ZAITEZ ETA PARTE HARTU!

gazteoiartzun.net
ots 20, 2006
gazteoiartzun.net
1 Comment

Ongi etorri Oiartzungo Gazteen blog berrira

     Gaur, 2006ko Otsailak 20an, Oiartzungo haur, nerabe eta gazteek eta hauekin dihardugun guztiok, aurrerantzean webgune (edo blog) berri hau izango dugu antolatzen diren jardueren berri emateko, proposamenak zabaltzeko, kexak azaltzeko…, nahi duguna argitaratzeko. Oiartzuar guztion ekarpenekin bete nahi dugun bloga duzu.  
     Oiartzungo Udaleko Gazteria eta Kirol Sailak webgune honekin lortu nahi duena zera da, webgune dinamiko bat sortzea, oiartzuar gazteak eta gazteekin aritzen direnak edukinez etengabe hornituko dutena eta bertako gazteentzat erreferente bihurtu daiteken sareko webgunea. Ez da helburu makala ez, baina denon artean lortu dezakegulakoan gaude.
     Azken batean Oiartzunen, gazteak eta gazte eragileak osatzen duten sarea eratzea dugu helburu eta webgune hau erreferentzi puntu bat, elkartze puntu bat bihurtzea nahiko genuke.
WordPress     Esan eta egin. Egun, blog-ak muntatzeko arrakasta handienetarikoa duen WordPress kodeaz muntatu dugu www.gazteoiartzun.net webgunea.
     Jatorriz, inglesez eraikitako kodea dugu WordPress baina Librezaleko WordPress euskaratzeko proiketukoek lan polita burutu dute eta WordPress-eko 2.0 bertsioa euskaratu berri dute. Aukera ezin hobea, euskaraz egindako blog bat sortzeko. Mila esker.
     Gure lehen organigrama edo sarea dagoeneko paperean osatu dugu eta batzuekin harremanetan jarri ere. Besteekin epe laburrean egongo gara proiektua aurkezteko eta parte hartze eskaria luzatzeko. Apurka-apurka Oiartzuar gazte eta gazte eragileen sare oso bat osatzekotan gaude:
gazteoiartzun.net en organigrama edo sarea

     Hasierako zirriborroa dugu hau, ziur gaude etorkizunean, orain daudenak baino gehiago animatuko direla. Parte hartu nahi izan ezkero, gurekin harremanetan jar zaitezke gazteria(arroba)gmail(puntu)com posta elektronikoaren bitartez.

Oiartzuar gazte guztiona, guztiontzat!! :p

 

Connect with Facebook

Etiketen hodeia

Facebook-en

Twitter-en

Azken bidalketak

Atalak