Oiartzun

Gazteria eta Kirola

Oiartzun irratiaOiartzun Irratiak programazio berria eskainiko du datorren Otsailaren 5tik aurrera.
Arguyuan saioa goizetan emititzen jarraituko da (11-13), hala ere, atal berriak izango ditu magazinak.

• ASTELEHENA: KIROLAK
• ASTEARTEA: QUARK (zientzia eta teknologia, El Huyar fundazioaren eskutik, Arrosa irrati libreen saretik eskuratua)
• ASTEAZKENA: METAZIYANBILA (baserri munduko atala, EHNEkoen eskutik)
• OSTEGUNA: AKUNPUNTURA, MASAIAK, TERAPIAK….(horretan aditua den pertsona bat)
• OSTIRALA: GAZTE ATALA (Gazte sareako kideak osatua)

Aste guztian zehar lehiaketa tartea dago saioan. Bertan herriko komertzioak, tabernak, jatetxeak…. Sari bat eskaintzen digute, publizitatearen trukean. Dagoeneko hainbat komertzioekin hitzarmena egina dugu, baina eremu hau zabaldu nahi dugu, beraz, herriko komertzioak animatu nahi ditugu bertan parte hartzera.

Oiartzun Irratiaren asmoa bertan ekoiztutako saioak egin eta eskaintzea da, baina jendearen parte hartzea lortzea zaila dela ikusirik eta Arrosa irrati libreen sareko kide denez, bertan dauden hainbat irratsaio emititzea erabaki du.
Esan bezala Arrosako sarean Euskal Herriko irrati libre ugarik hartzen dugu parte. Irrati bakoitzak astero saio ezberdinak igotzeko konpromisoa hartu behar du eta trukean nahi duena jaitsi dezake.

Entzulego mota guztientzat parrila osatzen saiatu gara, hala nola, gai ezberdinetako saioak izango dira Oiartzun irratiko programazio berrian. Hauek dira Arrosa saretik hartutako saioak.

• Zaharrak Berri (Hala Bedi irratia) 88 min, historia. EUSKERA
• Izarrak eta Ilargia (Tas Tas irratia) 58 min, musika klasikoa. EUSKER
• Oreka desorekan (Hala Bedi irratia) 58 min, euskaldunak eta mundua, elkarrizketa bat ardatz nagusi. EUSKERA
• Irauli Uhinak (Gaztesarea) 58 min, gazte informazioa. EUSKERA
• Musikgerrilla (Info7 irratia) 88 min, EHko musika. EUSKERA.
• Punttuka (Xiberok Botza irratia) 45 min, Bertsolaritzari buruzko irratsaioa. EUSKERA
• Ziripot (Koska irratia) 28 min, astelehenetik ostiralera dagoen haur programa. EUSKERA
• Ortzadarra (Hala Bedi irratia) 58 min, euskal literatura eta mitologia. EUSKERA
 
Oiartzun irratiak ekoiztuko dituen saioak:
• Oiarrock: Oiartzun eta eskualdeko musika saioa.
• Askatasun uhinak: Herriko eta Euskal herriko presoen egoera.
• Ezker-eskuin: prentsa, elkarrizketak, musika.

Gure asmoa urtean zehar Oiartzun irratian ekoiztutako saioak emititzea da, beraz, deialdi zabal bat luzatzen diogu herriari. Irratiko ateak irekiak daude herritarrentzat edozein saio mota egiteko. Interesatuak irratiarekin harremanetan jar daitezela.
Kontatuak:
Irratia: Arraskularre 12 behea.
Telefonoa: 943493711
E-posta: oiartzunirratia@euskalerria.org

 

Categories: Oiartzungo Irratia
  • Facebook
  • Twitter

Webgune interesgarriak

  • Kirolaz.com
  •  Oiartzungo Udalaren Webgune ofiziala
  • Elorsoro Oiartzungo Udal Kiroldegia
  • Oiartzungo IV. Argazki lehiaketa