Eskola Kirola: Bizikleta festa

Datorren larunbatean, hilak 12, eskola kiroleko jardunaldi berezia dugu prestaturik Oarsoaldeako ume eta guraso guztientzat: “Bizikleta festa”.

Azke urteetan egin de moduan, aurten ere Oreretako kaleetan gozatu ahal izango dugu egun honetaz. Bi taldetan banatuko dira umeak: batetik benjaminak eta bestetik alebinak. Era berean, bi izango dira aurrera eramango dituzten ekintzak: batetik Oreretako kaleetatik bizikletan eginiko txangoa eta bestetik Fanderiako igerileku inguruko zuzenbidean egingo den zirkuituan, lasterketatxoak.

Festa goizeko 10- etan hasiko da, baina 9:30-etan han egotea eskatzen zaie ume eta begiraleei, umeen artean kamixetak banatu behar baitira eta honek denbora kenduko baitigu. Kamixeta bakoitzak kolore bateko pegatina izango du, lasterketak egiteko orduan kolore berdineko pegatinadunak lehiatuko direlarik ( ikastola eta talde ezberdineko umeak nahastuko dira ).

Festa antolatzen dugunon aldetik, gurasoek umeak festara etortzera anima ditzazuen eta zuek ere bizikletan etortzera animatzea besterik ez zaigu geratzen.

Espero dezagun eguraldiak ere laguntzea!