Zazpikoloroa zozketako irabazleak…

Egin dugu Zazpikoloroa ikuskizunerako sarreren zozketa!

Eta irabazleak….

Maider Llanos

Iban Agote

Nagore Arriaga

Zorionak!!!

Gaur hasten da Nazioarteko Gazteriaren urtea!

Gaur, 2010eko abuztuaren 12tik aurrera, eta hurrengo 365 egunetan, GAZTERIAREN NAZIOARTEKO URTEA ospatuko da mundu mailan

Jarduerak, topaketak eta hainbat ekintza ezberdin egingo dira mundu mailan. Gehiago jakin nahi izan ezkero hemen duzu esteka interesgarria: Year of Youth (IYY)

Ekintzen egutegia

2010 urtea Gazteriaren_Nazioarteko_urtearen aldarrikapena

Musikalbisteak

Zenbait musika kontzerturen inguruko informazioa:

- VII. Heavy jaia: Centinela + Tributo al heavy

Otsailak 28 larunbata, arratsaldeko 19.30etan, Altza Kultur Etxean.

Sarrerak salgai  9 eurotan,  C. C. Casares-Tomasene Kultur Etxea, Zunbeltz eta Minuto y Medio-n.

- THE AUSTRALIAN PINK FLOYD SHOWA

                                                       

‘The Australian Pink Floyd’, Pink Floyden musika jo dezakeen musika-talde bakarrak, Pink Floydek duela 16 urte, Donostiako Anoeta estadioan jo zuen kontzertua errepikatuko dute martxoaren 9an Donostiako Anoeta Belodromoan.
Sarrerak salgai: Kutxa (Telekutxa, Servikutxa y kutxa.net) eta salneurriak: 37,50, 35, 32 eta 27 euro.

-GAZTEMANIAK: STIFF LITTLE FINGERS+AFONÍA KONTZERTUAN

                                                      

Martxoak 11, asteazkena 20:30etan  GAZTESZENAN (Donostian)

Sarrera: 7 €

- KOBETASONIK JAIALDIA 2009

                                                 

Kobetasonik Jaialdia ekainak 19 eta 20an izango da Kobetamendin, Bilbon.

Aurtengo protagonistak Marilyn Manson, Dream Theater, Mötley Crüe, Trivium eta Anthrax dira.
Sarrerak, otsailaren 25ean jarriko  dira salgai eta salneurria 85 euro + gastuak da.
Saltokiak: BBK bulegoetan, www.bbk.es, tel. 944 310310, FNAC, Carrefour eta www.ticktackticket.com webgunean.

 
 

 

Heziketa Zikloetan matrikulatzeko egutegia 2007/08 ikasturtea

 

Eskabideak eta dokumentazioa aurkezpena: Ekainaren 1etik 7ra arte.

Behin-behineko zerrendak : Ekainaren 21ean.

Zerrendetako erreklamazioak: Ekainaren 26ra arte.

Behin betiko zerrendak: Ekainaren 28an.

Matrikula egiteko aldi arrunta: Ekainaren 29tik uztailaren 6ra arte, biak barne

2007ko auzolandegietako plaza libreak

 (Iturria: http://www.gazteaukera.euskadi.net/r58-3412/eu/contenidos/noticia/ga_auzo_iruna_veleia/eu_16035/iruna.html)

Ordenagailuen erabilpen gaitasun agiri europearra (ECDL)

Au Pair gisa joateko agentzien zerrenda

Euskal Herriko Unibertsitateko Udako ikastaroak

Uda Ikastaroen XXVI. edizio hau, Ikastaroen Zereginak biltzen duen ideiarekin bat etorriz, prestakuntza zabalerako aukera gisa planteatzen dugu, bizitza osoan zehar garatu beharreko ikaskuntzaren ildotik, etengabe aldatzen ari den mundu honetan desio genukeen etorkizun horretarako ekarpenen bat egin asmoz.

Aurtengo edizioaren egitarauak, Ikastaro, Mintegi, nazioarteko Elkargune, Eskola, Jardunaldi profesional, Tailer eta Kongresuak bilduko ditu eta ondorengo lau ataletan banatuko dugu:

· Osasun Zientziak
· Psikologia
· Kirola
· Pentsamendua eta sorkuntza Euskal Herrian
· Historia
· Hizkuntzalaritza eta literatura
· Enologia

· Zuzenbidea
· Gizarte zientziak
· Informazio zientziak
· Hirugarren mundua

· Garapen jasangarria eta Ingurumena
· Zientzia eta Teknologia
· Arkitektura eta Hirigintza
· Ekonomia eta Enpresa
· Atzerritarrentzako Hizkuntzak
· Eskolak
· Nazioarteko Elkarguneak
· Tailerrak
· Jardunaldi Profesionalak
· Kongresuak

· Hezkuntza
· Tailerrak
· Elkarguneak
XXVI. edizioaren aukera zabal eta anitz honek, mota guztietako ikasleen (ikasle,
profesional, irakasle eta gainontzerako partaideen) beharrizan eta interesei
erantzutea du helburu.

Bertan aurkeztutako ikastaroak Euskal Herriko Unibertsitateak antolatu ditu,
Donostiako Udala, Gipuzkoako Foru Aldundia, Eusko Jaurlaritzako Hezkuntza,
Unibertsitate eta Ikerketa Saila eta BBVA Fundazioaren laguntzaz, bai eta beste
Unibertsitate, Erakunde eta Zientzi eta Kultur Elkarteen lankidetzaz ere.
Elkarlan-sare honi esker, Egitarau zabal, eguneratu eta anitza eskaintzeko
aukera izan dugu, ezagupenak berritu, unibertsitateko ikaskuntzak hedatu eta
gizarte eta kultur eragile desberdinen ideien elkartrukaketa ahalbidetuz.

(Iturria: http://www.sc.ehu.es/scrwwwsu/index.html)

Kooperante joan nahi duzu?

 1) Hiru modu Garapenerako Gobernuz Kanpoko Erakunde batekin (ggke) joateko hegoaldeko herrialdeetara: 

A.     Brigadak, lan eremuak eta elkartasun bidaiak 

B.     Beren lankidetza proiektuetara boluntarioak bidaltzen dituzten gipuzkoako GGKE-ak

C.    Beren lankidetza proiektuetara kooperante profesionalak bidaltzen dituzten GGKE-ak 

 2) Lankidetza programa eta bekak 

Interesaturik egon ezkero hemen duzue txosten bat informazio gehiagorekin:  Kooperante joan nahi duzu 2007 eta non lortu dezakezun informazio gehiago:

Euskadiko GGKE-EN KOORDINADORA
GIPUZKOAKO Ordezkaritza
Tel.: 943 46 35 26
redesgipuzkoa@ongdeuskadi.org
http://www.ongdeuskadi.org

Go-25 txartela (Nazioarteko IYTC txartela)

Ezaugarriak, eskakizunak eta iraupena

Nazioarteko gazte-txartela,  G0-25 izenaz ere ezaguna, 26 urtetik beherako gazteentzat da bereziki.Deskontuak eta prezio bereziak eskaintzen ditu garraio, ostatu, museo, antzoki, zine eta abarretan. Ematen dizkizun abantailak txartela egiteko unean emango dizuten gida dauzkazu jasota.
Go-25 txartelak  ISIConnect ere eskaintzen dizu, bidaietako larrialdietarako eta informaziorako zerbitzu doakoa, 24 ordukoa.

Hona hemen eskakizunak:

• 14 eta 25 urte bitarteko adina (NANa edo pasaportea erakutsi beharko duzu)
• 6 euro

Txartela jasotzeko honako hauek aurkeztu behar dira:

• NANa edo pasaportea
  
• Tasa ordaindu izanaren egiaztagiria
  
• Txartelerako neurriko argazki bat
  

Txartelak urtebeteko iraupena du ematen denetik.

Eskatu Go-25 txartela

Txartela eskuratzeko, txartelak ematen dituen Gazteentzako Informazio Zerbitzu batera jo dezakezu, edo web orri honen bitartez eskatu.

Zure txartela on line eskatu nahi baduzu honako urrats hauek jarraitu beharko dituzu:

1. Formularioa bete ezazu zure datuekin. 

2. Tasaren ordainketa nola egiten duzun ere aukeratu beharko duzu:- Kutxazain edo eta banku eta aurrezki kutxetako bulegoetan. Ondoko aurrezki kutxa eta bankuetan egin dezakezu ordainketa: BBK Bilbao Bizkaia Kutxa, Caja Vital, Gipuzkoa Donostia Kutxa, Caja Laboral/Euskadiko Kutxa, Banco Bilbao Vizcaya Argentaria, Banco Guipuzcoano eta Santander Central Hispano. Zure ordenagailuan izango duzun banku likidazioa inprimatu beharko duzu eta aipatutako finantza bulegoetan aurkeztu.- On-line bidezko ordainketa. Aukera hau txartela internet bidez eskatu bada erabil daiteke. Modu honetako ordainketa txartela baduzu edo eta on-line bidezko bankua deritzona baldin baduzu egin ahal izango duzu. Ondorengo finantza entitate hauekin erabili dezakezu aukera hau: BBK Bilbao Bizkaia Kutxa, Caja Vital, Gipuzkoa Donostia Kutxa, Caja Laboral/Euskadiko Kutxa eta Banco Guipuzcoano.
   

3. Inprimatu bankuko kitapena edo ordain agiria. Zalantzarik baduzu, ordainketa egin aurretik, Gazteentzako Informazio Zerbitzuetan galdetu edo posta elektroniko honetara gazteria@ej-gv.es mezu bat bidali. Gogoratu ordainketa egin ondoren ez zaizula tasa itzuliko. 

4. Ordainketa egin ondoren, txartela jaso dezakezu Araba,  Bizkaia edo  Gipuzkoako edozein Gazte Informazio Zerbitzuetan. Ez ahaztu zer aurkeztu behar duzun!
   

Erromara bidai bat 50 segundoko bideo baten truke

Kazetaritza gustuko baduzu, komunikaziorako dohain berezia duzula uste baduzu eta Erromara joan nahi baduzu… hauxe da zure aukera! Gai bat aukeratu, bideokamera edo mugikorra hartu eta grabatu ezazu 50 segundoko bideo bat. Horrekin bakarrik Erromara lau egunetarako bidaia irabazi dezakezu, lagun birentzat eta gastu guztiak ordainduta.

Europocket tv-k Europa osoko talentudun gazteei zuzendutako lehiaketa antolatu du. Batez ere albistearen originaltasuna baloratuko da (bai gaia aurkezteko eran zein edukian ere). Bideoa parte-hartzailearen aurkezpena eta gutxienez hiru elkarrizketa eduki beharko ditu (lagunei, ezezagunei, politikariei…).

Lehiaketa honekin, Europocket tv-k Erromako Itunaren 50. urteurreneko ospakizunetan parte hartu nahi du.

Zer da Europocket tv?

Europocket tv bereziki gazteei zuzenduta dagoen Europari buruzko lehenengo sakelako telebista da. Plataforma multimedia honek Internet eta telebista elkarrekin lotzen ditu, eta ‘podcast’ sistema eta telefonia mugikorraren 3G teknologiara sarrera eskaintzen du. Europako gazteriari zuzendutako berriak aurkitu ditzakegu egunero telebista honetan.

Europako Parlamentuak sortu du Europocket tv eta 2006ko irailaren 4an hasi zuen bere emisioa, ingelesez, frantsesez eta gazteleraz.

Albistegi labur eta ausart honek Europa, Europako Batasuna eta bere erakundeei buruzko informazioa eskaintzen dizu. Europocket tv-k egunean jarriko zaitu baita ere musikan, zineman eta modan modu dibertigarri baten. Eta gainera, zure ekarpenak ere egin ditzakezu idatzizko artikuluen edota zuk zeuk grabatutako bideoen bitartez.

Guraso topaketak

Oiartzungo Udalaren eskutik eta Askagintzaren laguntzarekin aurtengo guraso topaketentzako bi saio antolatu dira:

Otsailak 26_____________________________________________________

Nerabeak eta Talde Presioa

Erabaki autonomoak eta arduratsuak hartzearen garrantzia.

Koro del Pozo (psikologoa)

 

Martxoak 26_____________________________________________________

Pantaila artean hazten ari garen honetan

Telebista, messengera, txat, blogak, internet, bideo jolasak, etab.), ikas dezagun eta treba gaitezen teknologia berrietan

Txus Congil (Prebentzioarko teknikaria)

 

Biak, Manuel Lekuona Udal Bibliotekan arratsaldeko 17:00etan izango dira.

 

                                    

 

Udal ludoteka, gazte informazio puntua eta udaleku irekien zerbitzua esleitzeko deialdia

Urtarrilaren 3an argitaratu zen Gipuzkoako Aldizkari Ofizialean, Udal ludoteka, gazte informazio puntua eta udaleku irekien zerbitzua esleitzeko deialdia.

 Udal ludoteka, gazte informazio puntua eta udaleku irekien zerbitzua esleitzeko deialdia

Udal Osoak, 2006eko abenduaren 4ko bilkuran hartutako Erabakiaren bidez, Oiartzungo udalerrian ludoteka, gazte informazio puntua eta udaleku irekien zerbitzua zeharkako kudeaketaren bidez -kontzesio edo emakida administratiboa zehazki egitea erabaki zuen eta horretarako prozedura ireki bidezko lehiaketa arautu behar duen baldintza administratibo partikularren plegua onartu eta kontratazio espedienteari hasiera ematea erabaki zuen, prozedura arruntaren bidez. Erabaki hau jendaurrean egongo da hogei lanegunetako epean, interesatuek aztertu eta egoki deritzoten erreklamazioak aurkez ditzaten. Aldi berean lehiaketara deitzen da, hau, erreklamaziorik balego hauek erabakitzeko behar den haina denbora atzeratuko baldin bada ere.

1. Lizitazioaren xedea.
Lizitazioaren xedea ludoteka, gazte informazio puntua eta udaleku irekien zerbitzua zeharkako kudeaketaren esleipena da.

2. Kontratuaren iraupena.
Bi urte, beste bira luza daitekeena.

3. Lizitazio oinarria.
Lizitazio oinarria urteko ehun eta hamar mila eurotakoa da (110.000 €). Lizitazio oinarria beherantz hobetu daiteke.

4. Esleitzeko modua.
Kontratuaren xedea duen zerbitzua lehiaketa bidez esleituko da.

5. Lizitazioan parte hartu ahal izateko agiriak.
Baldintza administratibo partikularren pleguan adierazitakoak.

6. Eskaintzak aurkezteko epea.
Enpresa lizitatzaileen proposamenak Oiartzungo Udaleko Sarrera Erregistroan aurkeztuko dira, 8:30etatik 13:30etara bitartean, hogeita sei (26) egun naturaleko epean, lizitazioaren iragarpena Gipuzkoako ALDIZKARI OFIZIALEAN argitara ematen den biharamunetik kontatzen hasita. Aipaturiko eguna larunbatean edo jaiegunean egokituko balitz, epea hurrengo lanegunean amaituko litzateke.

7. Proposamenak irekitzea.
Kontratazio Mahaiak proposamenak irekitzeari ekingo dio,proposamenak aurkezteko epea amaitzen den biharamunetik kontatzen hasi eta zazpi lanegunetako batean, Oiartzungo Udaleko Batzar Aretoan.

 

Unibertsitatea.net

Unibertsitatea.net webgunearen atarian adierazten den bezala: “UNIBERTSITATEA.NET atariaren helburu nagusia da unibertsitario euskaldun guztientzako erreferentzia izatea, hots, ikasleek, irakasleek, gurasoek zein unibertsitate mailako ezagutzaz interesatutako edozeinek behar duten informazioa eguneratuta izatea.”

Besteak beste, honako atalak dituzue bertan:

Zer ikasi, non ikasi
Euskal Herriko unibertsitateen, ikastegien eta titulazioen gaineko informazioa.

 

Otarrea
Lan, txosten, apunte eta bestelako dokumentuak partekatzeko gunea

 

Argazki galeria
Ikusi argazkiak, eman zure iritzia eta gehitu zeureak ere gainerakoekin partekatzeko. 

Eguberri on!