2012ko Londreseko Joko Olinpikoetan lanpostuak

Aspaldi hasi ziren 2012ko Londreseko Joko Olinpikoak prestatzen. Lan eskaintzak ere aspaldi hasi ziren egiten, jokoen prestaketa guztiak aukera eta lanpostu ezberdinak sortzen baititu. Orain, jokoetarako hain gutxi falta denean betetzeko falta diren azken lanpostuetarako jende bila dabil Joko Olinpikoen Batzorde Antolatzailea.

Aukera paregabea da udako lan bat bilatu, ingelesa landu eta esperientzia berriak bizitzeko. Bisitatu webgunea eskaintzen dituzten lanpostuak ikusi eta baldintzak ezagutzeko. Epea uztailaren1a da.

Informazioa: http://www.london2012.com/get-involved/jobs/
Kontaktua:   recruitment@london2012ceremonies.com

Udako oporretan Europara lanera

Откъде да купя икона

Uda gerturatzen ari da, eta oporraldia baliatuz gazte askok erabakitzen dute Europara lanera joatea. Ofizio berriak ikastea, lan esperientzia lortzea, hizkuntzak ikastea, diru pixkat lortzea, harreman berriak garatzea… helburuak asko izan daitezke. Atzerrira lan egitera joateak baina, aurreplengintza baten beharra dakar.

Lehen urratsa helburu argi bat definitzea da: edozein lan mota edozein herrialdetan bilatzea oso zaila da. Beraz, bilatzen hasi aurretik saiatu ondorengo galderei erantzuten:

• Nora joan nahi dut?
• Noiz eta zenbat denboraz?
• Zein da atzerrira lanera joatearen helburua?
• Ze lan mota bilatu nahi dut?
• Helburu dudan herrialdeko hizkuntzaren ezagutza nahikoa dut?

Behin galdera hauek erantzunda, lana bilatzen hasteko unea da. Ondorengo esteketan udako lan esakintzak aurki ditzakezue. Edo bestela, etorri ostiraletan Gazte Informazio Bulegora eta guk lagunduko zaitugu!

Summerjobs   Jobs4students   Seasonalwork   Seasonworkers   Hoteljobs  Holidaybreak   Resortjobs

Izan zaitez boluntario!

“Boluntariotza gizarte-partaidetza mota bat da, non pertsonek euren denbora, eskarmentua, ezagutza, eta gaitasunak eskaintzen dituzten lan solidario bat egiteko inolako ordain ekonomikorik gabe. Irabazi asmorik gabeko erakunde batekin lankidetzan aritzeak aukera pertsonal, aske eta altruista dakar.”

Lan bila zabiltza baina merkatuaren egoerarekin ez duzu ezer lortzen? Zerbait egiteko gogoa duzu? Zergatik ez zara egiten boluntario? Ekintza boluntarioak EMATEA esan nahi du (denbora, baliabideak, lana, etab.) eta baita JASOTZEA ere (poza, ikasketa, esperientzia, giza harremanak, etab.)

Hamaika aukera dituzu boluntario izateko, bai Euskal Herrian zein atzerrian. Interesa baduzu eta bolondres moduan lan egiteko prest bazaude bisitatu ondorengo estekak.

GKE ezberdinen loturak

hacesfalta.org

IAVE (boluntariotzarako nazioarteko elkartea)

IVPA (Nazioarteko boluntariotza programen elkartea)

Boluntariotza.net

Oharra: Aste honetan, lan aholkularitza ostegunean izango da

Aste honetan lan aholkularitza OSTEGUNEAN izango da ohiko ordutegian: 16.30tatik 19.30tara

RUTA QUETZAL 2012 PROGRAMARAKO BEGIRALEAK

“Ruta Quetzal 2012″ programan parte hartu nahi baduzu hau da zure aukera. Curriculuma 2012ko otsailaren 16a baino lehen aurkeztu behar duzu.

Parte hartzeko betebeharrak:
- 22 urte baino gehiago eta 30 urte baino gutxiago izatea.
- Titulazio akademikoak: lizenziadunak, ingeniariak, arkitektoak eta doktoreak.
- Titulazioa bereziak: uretako eta lurpeko sorosle titulua izatea.

Curriculuma bidaltzeko posta arruntez:
Ruta Quetzal BBVA
(Selección de Monitores)
C/ Burgos nº 19.
Urbanización la Cabaña
28223- Pozuelo de Alarcón

Posta elektronikotik:  rutaq1@terra.es

Informazio gehiago

Osasun-langileak behar dituzte Erresuma Batuan

2012 hasieran (urtarrila eta martxoa artean) lanean hasteko prest diren osasun-langileak behar dituzte Erresuma Batuan. Zainketa intentsiborako erizainak, ebakuntzarako erizainak, onkologian espezializatutako erizainak, larrialdi zerbitzutarako medikuak… dira eskaintzen dituzten lanpostuak.

Gehienak  Londres, Manchester eta Liverpoolen daude kokatuak.

Lan-eskaintzen estekak:

- Zainketa intentsiborako erizainak

- Onkologiako erizainak

- Ebakuntza geletarako erizainak

- Larrialdi zerbitzutarako medikuak

Bihar lan aholkularitza zerbitzua goizez!

Bihar Abenduak 30 ostirala lan aholkularitza zerbitzuak 10.30-13.30 ordutegia izango du.

Aprobetxatu zure zalantzak argitzeko!

Ingeniariak Norvegian

Lehen Alemania bazen Europan ingeniari bila zebilena, orain Norvegia batu zaio. Eskandinaviako herrialde honek 5000 lanpostu bete behar ditu datozen urteotan Ipar Itsasoko petrolio plataformatan.

Eta zergatik halako bapateko enplegu eskaintza? Azkenaldian Norbegian petrolio-hobi berriak aurkitzeak prestatutako langileen beharra ekarri du. Oso lan gogorra da, baina ondo ordaindutakoa, diotenez. Lanak, baina, ingeles maila altua eskatzen du.

Beraz, perfilarekin bat egiten baduzu, eta lanerako prest bazaude jo findajob.no webgunera; bertan aurkituko duzu infomazio guztia.

LAN ESKAINTZAK ATZERRIAN: zein dira atzerrian gehien eskatzen diren lanbideak?

Behin atzerrian lana bilatzen hasteko urratsa emanda, zer hasi bilatzen Europar zein mudu mailako merkatu zabalean? Hauek dira gehien eskatzen diren lanbideak:

Alemaniak ingenieritza eta telekomunikazioekin lotutako sektoreak hornitzerko profesionalak behar ditu.

Osasungintza, ingeniaritza eta zientzia arloekin lotutakoak dira bai Europan (Erresuma Batuan erizainen behar handia dago) bai Estatu Batuetan gehien behar diren langileak.

Frantzia ere atzerriko profesionalen beharrean dago; batez ere bertako enpresetarako saltzaileak.

Nigeria, India, China eta Errusiakoak dira krisi basati honen aurrean aktiboen dauden lan merkatuak, baita aurreikuspen positiboenak dituztenak ere.

Europar Batasunean, zerbitzuen sektorea da lan eskaintza gehien jasotzen dituena, asistentzia zerbitzuak, saltzaileen eremua eta zaharberritzearekin batera.

Hauek dira egungo joerak. Zure lanpostua merkatu horretan bilatzen hasteko unea da!

Zenbait gomendio atzerrian lana bilatzeko

Atzerrira lanera joan ahal izateko zenbait urrats jarraitzea komeni da.

Lehenik, atzerriko egonaldiari zein helburu jartzen dizkiozun argi izan behar duzu. Atzerrira joaten direnen artean, zenbaitek lan finkoa lortzea bilatzen dute. Bestek, aldiz, hizkuntza bat ikasi eta berriz etxera itzultzea, lan-esperientzia eskuratzea edota bizipen berriez gozatzea dute helburu. Perfil hauetako bakoitzak bere helburuekin lotutako lan mota bat du.

Helburua hizkuntza bat ikastea bada, bertako jendearekin kontaktua bermatuko dizun lana bilatzea da behar duzuna; ostalaritzan, jendaurreko arretan…Aldiz, lan finko baten bila bazabiltza, zure sektoreari lotutako informazioa bildu behar duzu; non dagoen garatuen, non dauden lan eskaintza gehienak, epe ertain-luzera begirako garapen eta aurreikuspenak…

Behin lanarekin zein helburu dituzun eta zer lan motaren bila zabiltzan argi izanda, bilaketa hasteko unea da.

Iturri ezagun eta fidagarritara jo atzerrian lan eskaintzak begiratzen hasteko. EURES (Europako mugikortasun profesionalerako ataria) edo bestelako atarien bidez: Monster eta Jobs Abroad adibidez.

Zure autagaitza ondo prestatu, lana bilatzen ari zaren herrialdeak gehien baloratzen dituen ezaugarriak azpimarratuz. Gogoan izan herrialde bakoitzak gaitasun eta ezagutzak ezagutarazteko modu ezberdinak dituela. Tresnarik egokiena Europass-a da, zure aurkezpen gutunarekin osagarritu dezakezuna. Informazio guzti hau helburu duzun herrialdeko hizkuntzan prestatzea ezinbestekoa da.

Urrats sinple hauek jarraituta errazagoa izango zaizu atzerrira begira jartzea. Eta laguntzarik behar izanez gero, jarri gurekin kontaktuan.

EUROPARA LANERA?

Lan bila? Zergatik mugatu zure bilaketa Euskal Herrira? Ireki ateak Europako lan merkatuari!

Langileen zirkulazio librea Europar Batasuneko zein kanpoko herrialdeetan lan egiteko aukeran islatzen da. Hala ere, biztanleen %2ak baino ez du erabakitzen bere herrialdea utzi eta Europako merkatuei ateak irekitzea.

Europan lan egiteak baditu bere abantailak:

• Irakaspen pertsonal zein profesional berriak jasotzea; konpetentziak garatzea, autoestimua lantzea, komunikazio gaitasuna bultzatzea…
• Ideiak berritu eta gauzak beste perspektiba batetik aztertzea: muga kulturalak garatzea, atzerriko hizkuntzetan trebatzea…
• Lan merkatu zabalagoa izatea: aukera eta sektore ezberdinekin…
• Lan mota aukeratzea: mugagabea, denboraldi batekoa, urtarokoa, oporretakoa…

Krisiari aurre egin eta beste irtenbide baten bila bazabiltza baina dudak badituzu, ez badakizu non bilatzen hasi… lan aholkularitza zerbitzutik lagunduko zaitugu.

Gazte Informazio bulegoa (Mendiburu 5, behea) – Ostiraletan 16’30-19’30

lanaholakularitza@gmail.com

943 49 11 05

Ostiraletan 16.30etatik 19.30etara

Izan ditzakezun zalantzak argitzeko, bihartik aurrera ostiralero 16.30etatik 19.30etara lan aholakularitza zerbitzua zabalik.

Zure aukera Europan lana egin, praktikak burutu, ikasi,… beste irtenbide bat bilatzea baldin bada hemen duzu zalantzak argitzen lagunduko zaituen zerbitzua.

Gazte Informazio bulegora (Mendiburu 5, behea) etorri, lanaholakularitza@gmail.com helbidera mezu bat idatzi edo 943 49 11 05 telefonora deitu dezakezu!

Lan eskaintza!!!

Ikaslea zara eta diru apur bat atera nahiko zenuke?

Langabezian zaude?

Lan aholkularitza zerbitzua martxan jarriko duen gazte baten bila gabiltza!

Ingelesa menperatzen baduzu  eta lanerako gogoa badaukazu, bidali zure kurrikuluma Oiartzungo Gazte Informazio Bulegora (Mendiburu kalea 5, behea. 20180 Oiartzun) edo gazteinfo@oiartzun.org helbidera.

Drogak eta gerra

Drogek erabilera bitxia izan dute historian zehar, esaterako erabilera ludikoa, terapeutikoa, ihesbide bezala… Baina askotan, gerretan ere erabiliak izan dira.

Drogak eta gerra irakurtzera gonbidatzen zaitugu zertarako erabiltzen ziren jakin dezazun.

Osasun sexualari buruzko web gune berria martxan

Injuve-k, estatu mailako Osasun Sexualari buruzko  Zentro bat eta webgune berri bat jarri ditu abian. Ezagutu nahi al duzu?

www.sexualidadinjuve.es

Gogoratu ostegunetan sexu eta drogen aholkularitza zerbitzua eskura duzula, arratsaldeko 17.30tatik 19.30tara Gazte Informazio Bulegoan!